شاعلة فالميركان .. ترامب : حنا اللي ربحنا الانتخابات ووقع تزوير كبير وغاديين نمشيو للمحكمة العليا وبايدن: متيقنين من فوزنا

بتاريخ 4 نوفمبر, 2020 - بقلم أسراك 24

أسراك24 /

اعلن دونالد ترامب قبل قليل فندوة صحافية بالبيت الابيض بعد انتهاء الانتخابات الرئاسية الاميركية انو ربح الانتخابات. ترامب قال باللي وقع تزوير كبير “تزوير كبير وقع وربحنا وغاديين نمشيو للمحكمة العليا”.

ترامب هدر على ولايات كثيرة ربحها وشكر الشعب الامريكي اللي صوت عليه٬ بينما نائبو بينس فاكد ان الامريكيين صوتو على الاستمرار 4 سنين اخرى.

ترامب قبل من هاد الشي كان دار تويت قال فيه باللي الديموقراطيين كيحاولو يشفرو الفوز ديالو بهاد الانتخابات.

من جهته قال منافسه الديموقراطي جو بايدن امام انصاره باللي تايق بالفوز.

ويحتاج أي مرشح رئاسي إلى أصوات 270 ناخبا كبيرا للفوز بالرئاسة. لحد الان عند ترامب 213 وعند بايدن 220.

,